Absolut Menlo 2013: 1974

Ek was 10.

Wat ek vandag die duidelikste onthou is die geboorte van die Rosenkowitz-sesling, David, Elizabeth, Emma, Grant, Jason en Nicolette op 11 Januarie.

1974 is ook die geboortejaar van die SAP se Narkotikaburo, en volgens party van ons seker ook die begin van die einde van apartheid. Op 25 Oktober vertel Pik Botha aan die VVO dat die Nasionale Party-regering (wat die wit algemene verkiesing in April gewen het) besig is met verreikende (verrykende?) hervormings.

(Van Junie af was Suid-Afrikaners egter nie meer welkom in Japan nie – geen visums sou aan hulle uitgereik word nie.)

‘n Ander geboorte, of eerder her- of wedergeboorte, in Etiopië , was die van Lucy, die Australopithecus afarensis hominied wat tussen 3.9 en 3 miljoen jaar gelede op die Afrika-vasteland gelewe het.

Nader aan die huis was die ander nuuswaardigheid, naas die sesling, seker die toer deur die Britse en Ierse Leeus, die eerste van sy soort waar die Leeus onoorwonne huis toe gestuur is. Hierdie grepe is die langste wat ek kon opsoor, miskien bring dit ou herinneringe terug: EEN en TWEE. Dis egter nie plaaslik gelaai nie, maar in Engeland.

Op die treffersparade was die volgende liedjies:

WHY ME - Kris Kristofferson

KUNG FU FIGHTING - Carl Douglas

THE PEACEMAKER - Albert Hammond

SUNDOWN - Gordon Lightfoot

SOLITAIRE - Andy Williams

SEASONS IN THE SUN - Terry Jacks

IF YOU LOVE ME LET ME KNOW - Olivia Newton-John

IF YOU NEED ME - After All

THE AIR THAT I BREATHE - The Hollies

LOVE'S THEME - Love Unlimited Orchestra

HELLO GIRL - Dr Marigolds